തിരുവനന്തപുരം വിമാനത്തവളം കേന്ദ്രീകരിച്ച് നടത്തിയ സ്വര്‍ണ്ണക്കടത്ത് കേസിലെ പ്രതികളുമായി ബെംഗളൂരുവില്‍ നിന്ന് കൊച്ചിയിലേക്ക് യാത്ര തിരിച്ച എന്‍.ഐ.എ സംഘത്തിനൊപ്പമുള്ള മാധ്യമങ്ങളുടെ ഓട്ടപാച്ചിലെ ട്രോളി സോഷ്യല്‍ മീഡിയ.
സ്വപ്‌നയ്ക്കും ശ്രീജിത്തിനുമൊപ്പം ഓഗ്മെന്റ് റിയാലിറ്റിയിലൂടെ എന്‍.ഐ.എ വണ്ടിയില്‍ സഞ്ചരിക്കുന്ന 24 ന്യൂസിലെ ശ്രീകണ്ഠന്‍ നായരും ഡോ. അരുണ്‍ കുമാറിന്റെയും ട്രോളാണ് ഏറെ ശ്രദ്ധേയം. മാധ്യമ പ്രവര്‍ത്തകരുടെ കാറിലുള്ള ഓട്ടപ്പാച്ചിലിനിടെ ഹെലികോപ്റ്ററില്‍ എത്തുന്ന 24 ന്യൂസിന്റെ അരുണ്‍കുമാറും ട്രോളുകളില്‍ ഹിറ്റാണ്.
ഫോര്‍മുല വണ്‍ റേസിംഗിന് അടുത്ത തവണ മത്സരിക്കാന്‍ ഡ്രൈവറെ നിര്‍ബന്ധിക്കുന്ന ഫെരാറിയുടെ മുതലാളിയും ട്രോളുകളില്‍ നിറയുന്നുണ്ട്. നിരവധി ട്രോളന്മാരാണ് മാധ്യമങ്ങളുടെ ഓട്ടപ്പാച്ചിലും എന്‍.ഐ.എ സംഘത്തിന്റെ കാര്‍ പഞ്ചറായതുമെല്ലാം ട്രോളുകളാക്കി രംഗത്ത് എത്തിയത്. മനോരമ ന്യൂസിന്റെ െ്രെഡവറെ മൈക്കിള്‍ ഷൂമാക്കറായാണ് ട്രോളന്മാര്‍ ചിത്രീകരിച്ചിരിക്കുന്നത്.
