ന്യൂഡല്‍ഹി: ഗൂഗിള്‍ ക്രോം ഉപഭോക്താക്കള്‍ക്ക് മുന്നറിയിപ്പുമായി സൈബര്‍ സെക്യൂരിറ്റി ഏജന്‍സി. ഗൂഗിള്‍ ക്രോം എക്സ്റ്റന്‍ഷനുകള്‍ ഇന്‍സ്റ്റാള്‍ ചെയ്യുമ്പോള്‍ അതീവ ശ്രദ്ധപുലര്‍ത്തണമെന്നും ഇത്തരം എക്സ്റ്റന്‍ഷനുകള്‍ക്ക് സക്രീന്‍ഷോട്ട് എടുക്കാനും ക്ലിപ്ബോര്‍ഡ് വായിക്കാനും പാസ്വേര്‍ഡ് ശേഖരിക്കാനുമൊക്കെ സാധിക്കുമെന്നും സൈബര്‍ സെക്യൂരിറ്റി ഏജന്‍സി മുന്നറിയിപ്പ് നല്‍കുന്നു.
അപകടകരമായ 100 ലിങ്കുകള്‍ കമ്പനി നീക്കം ചെയ്തതിന് പിന്നാലെയാണ് മുന്നറിയിപ്പ്. ഉപയോക്താക്കളുടെ സ്വകാര്യ വിവരങ്ങള്‍ശേഖരിക്കുന്നതായി കണ്ടെത്തിയ 106 എക്സ്റ്റന്‍ഷനുകള്‍ ക്രോം വെബ് സ്റ്റോറില്‍ നിന്ന് ഗൂഗിള്‍ നീക്കംചെയ്തതായി റിപ്പോര്‍ട്ടുകളുണ്ട്.
വെബ് സ്റ്റോര്‍ സുരക്ഷാ സ്‌കാനുകളെ മറികടക്കുന്നതിനുള്ള കോഡ് ഈ എക്സറ്റന്‍ഷനുകളില്‍ ഉണ്ടെന്നാണ് ദേശീയ സാങ്കേതിക വിഭാഗമായ കമ്പ്യൂട്ടര്‍ എമര്‍ജന്‍സി റെസ്‌പോണ്‍സ് ടീം (സി.ഇ.ആര്‍.ടി-ഇന്‍) ന്റെ അറിയിപ്പ്.
