ന്യൂഡല്‍ഹി: മതേതരത്വം എന്നാല്‍ മുസ്ലീം സ്വത്വത്തെ വീട്ടില്‍ ഉപേക്ഷിക്കണമെന്നല്ലെന്നും ഇന്ത്യക്കാരായി പൊരുതുക എന്നുമാത്രമാണെന്നും ചരിത്രകാരന്‍ രാമചന്ദ്ര ഗുഹ. അമുസ്ലീമിനും മുസ്ലീങ്ങള്‍ക്കൊപ്പം ഒരേ മുദ്രാവാക്യം ഉയര്‍ത്താന്‍ പറ്റുന്ന അന്തരീക്ഷം ഉണ്ടാക്കുകയാണ് വേണ്ടതെന്നും അദ്ദേഹം ട്വിറ്ററില്‍ കുറിച്ചു.
മതേതര സ്വഭാവത്തില്‍ നിന്നും പൗരത്വ ഭേഗതി പ്രതിഷേധം വഴിമാറി എന്ന് വലിയ രീതിയിലുള്ള ആരോപണങ്ങള്‍ ഉയര്‍ന്നുവരുന്നതിനിടെ ആണ് ഗുഹയുടെ പ്രതികരണം. കഴിഞ്ഞ ഡിസംബറില്‍ പൗരത്വഭേദഗതി നിയമത്തിനെതിരെ ബെംഗളൂരുവില്‍ സംഘടിപ്പിച്ച പ്രതിഷേധ പരിപാടിയില്‍ പങ്കെടുത്ത ചരിത്രകാരനും സാമൂഹ്യപ്രവര്‍ത്തകനുമായ രാമചന്ദ്ര ഗുഹയെ പൊലീസ് കസ്റ്റഡിയില്‍ എടുത്തിരുന്നു. പുറത്ത് ഇറങ്ങിയ ശേഷം അദ്ദേഹം കടുത്ത ഭാഷയില്‍ പ്രതികരിച്ചിരുന്നു.
