തനിക്ക് പറയാനുള്ളത് വേദിയിലും മടി കൂടാതെ തുറന്ന് പറയുന്ന പ്രകൃതകാരിയാണ് വരലക്ഷ്മി ശരത്കുമാര്‍. അത്തരത്തിലുള്ള ഒരു തുറന്നുപറച്ചിലുമായാണ് ഇത്തവണ താരം എത്തിയിരിക്കുന്നത്. തനിക്ക് വിവാഹത്തില്‍ വിശ്വാസമില്ലെന്നും വിവാഹിതയാവില്ലെന്നുമാണ് താരം തുറന്നുപറഞ്ഞിരിക്കുന്നത്. വരലക്ഷ്മിയുടെ പുതിയ ചിത്രമായ ‘കന്നിരാശി’യുടെ പ്രസ് മീറ്റിനിടെയായിരുന്നു താരത്തിന്റെ വെളിപ്പെടുത്തല്‍.
പ്രണയ വിവാഹത്തിന് പ്രാധാന്യം കൊടുക്കുന്ന ചിത്രമാണ് ‘കന്നിരാശി’. സ്‌ക്രിപ്റ്റ് വായിക്കുമ്പോള്‍ തനിക്ക് ചിരിയടക്കാന്‍ കഴിഞ്ഞില്ലെന്നും ഉടന്‍ ചിത്രം ചെയ്യാന്‍ സമ്മതിക്കുകയായിരുന്നുവെന്നും വരലക്ഷ്മി പറയുന്നു. എന്നാല്‍ റിയല്‍ ലൈഫില്‍ താന്‍ വിവാഹത്തോട് എതിരാണ്, വിവാഹിതയാകില്ലെന്നും പറഞ്ഞു
വര്‍ഷങ്ങളായി വരലക്ഷ്മിയും നടന്‍ വിശാലും പ്രണയത്തിലാണെന്ന വാര്‍ത്തകള്‍ പ്രചരിച്ചിരുന്നു. എന്നും കോളിവുഡ് ഗോസിപ്പുകളിലെ താരങ്ങളായിരുന്നു വിശാലും വരലക്ഷ്മിയും. ഇരുവരും തമ്മിലുള്ള പ്രണയവും അപ്രതീക്ഷിതമായ വേര്‍പിരിയലും വിശാലിന്റെ വിവാഹവുമെല്ലാം വലിയ വാര്‍ത്തയായിരുന്നു.
